Battisti handtekinn í Bólivíu

Cesare Battisti, fyrrverandi uppreisnarmaður, hefur verið handtekinn í Bólivíu að því er BBC greinir frá. Battisti hefur verið eftirlýstur í heimalandi sínu Ítalíu, en honum tókst að flýja úr ít­ölsku fang­elsi árið 1981. Hann var sakaður um fjög­ur morð á átt­unda ára­tugn­um og beið eft­ir því að réttað yrði í hans mál­um er hann flúði, en sjálfur neitar hann að hafa framið morðin.

Battisti dvaldi árum saman í Brasilíu á flótta undan ítalskri réttvísi, en yfirvöld þar í landi í forsetatíð Luiz Inacio Lula da Silva að neituðu að framselja hann til Ítalíu. Nýkjörinn forseti landsins Jair Bolsonaro hefur hins vegar heitið því að framselja hann.

Frétt af mbl.is

Ítalir neita að gefast upp

Filipe Martins, ráðgjafi Bolsonaros í alþjóðamálum, greindi frá því á Twitter að Battisti hefði verið handtekinn. „Hann verður bráðlega fluttur til Brasilíu, en þar verður hann væntanlega sendur til Ítalíu til að afplána lífstíðardóm,“ sagði Martins í færslu sinni.

Þá sendi brasilíski stjórnmálamaðurinn Eduardo Bolsonaro, sem er sonur forsetans, Matteo Salvini innanríkisráðherra Ítalíu skilaboð á Twitter. „Brasilía er ekki lengur land glæpamanna. „Litla gjöfin er á leiðinni,“ stóð í færslu hans.

https://www.mbl.is/frettir/erlent/2004/03/05/eftirlystum_hrydjuverkamanni_sleppt_i_paris/

Handtökuskipun var gefin út á hendur Battisti í Brasilíu í desember er þávarandi forseti landsins Michel Temer nam dvalarleyfi hans úr gildi. Battisti flúði þá og kváðust lögregla og lögfræðingur hans á þeim tíma ekki hafa hugmynd um hvar hann væri niðurkominn.

• Blogga um frétt