Fannst meðvitundarlaus utandyra

Karlmaður á fertugsaldri fannst meðvitundarlaus á horni Kirkjuvegar og Vestmannabrautar aðfaranótt mánudags.

Að sögn Jóhannesar Ólafssonar, yfirlögregluþjóns hjá lögreglunni í Vestmannaeyjum, var hann fluttur á sjúkrahús þar sem hann var úrskurðaður látinn eftir lífgunartilraunir.

Ekki er talið að neitt saknæmt hafi átt sér stað, að sögn Jóhannesar.

Málið verður áfram rannsakað af lögreglunni. 

• Blogga um frétt