Alls útskrifuðust 43 nemendur úr Keili - Miðstöð vísinda, fræða og atvinnulífs, við athöfn í Hljómahöll í Reykjanesbæ á föstudaginn. Í heildina hafa því 4.595 einstaklingar útskrifast úr námi við skóla miðstöðvarinnar.

Hjördís Egilsdóttir og Arnór Sindri Sölvason hófu athöfnina með ljúfu tónlistaratriði fyrir viðstadda. Því næst flutti Nanna Kristjana Traustadóttir, framkvæmdastjóri Keilis, ávarp og stýrði sjálfri athöfninni.

Nemendurnir sem útskrifuðust. Ljósmynd/Keilir

Háskólabrú brautskráði samtals 28 nemendur, Menntaskólinn á Ásbrú brautskráði þrjá nemendur af stúdentsbraut í tölvuleikjagerð og Heilsuakademían brautskráði 12 nemendur í fótaaðgerðafræði.

Dúx Háskólabrúar var Ágústa Pétursdóttir sem hlaut meðaleinkunnina 9,64 og fékk hún peningagjöf frá Arion banka og Keili sem viðurkenningu fyrir góðan námsárangur. 

Dúx fótaaðgerðafræðinnar var Hrafnhildur Árnadóttir með 9,62 í meðaleinkunn og hlaut hún gjöf frá Áræði heildverslun og EM heildverslun.

Tengdar fréttir

Útskriftir

181 útskrifaðist úr HR í gær

• Stefnir á lögfræði næsta haust
• Dúxaði með 9,1 eftir tvö og hálft ár
• Gunnar Þór dúx í læknadeild í Debrecen
• Landsliðskokkur dúxar í lögfræði

» Fleiri tengdar fréttir

• Blogga um frétt