Ástþór eyðir meiri fjármunum en stórfyrirtæki
Setja bókamerki
Ein leið fyrir forsetaframbjóðendur til að auglýsa sig er að kosta auglýsingar á Facebook, þ.e. með því að kaupa þær af bandaríska stórfyrirtækinu Meta. Ástþór Magnússon forsetaframbjóðandi hefur varið á þeim miðli fleiri milljónum króna í auglýsingar.
Þegar gögn Facebook um auglýsingar eru skoðuð má sjá að á síðustu 90 dögum hefur Ástþór varið 6.027.222 krónum í pólitískar auglýsingar á Facebook.
Hefur hann gert það í gegnum Facebook-síðurnar Ástþór forseti, nuna.is og Ástþór Magnússon.
Hefur varið töluvert meiru í auglýsingar en stórfyrirtæki
Agnar Freyr Gunnarsson, deildarstjóri netmarkaðssviðs hjá Birtingahúsinu, segir að tölurnar sem um ræðir hjá Ástþóri, og ná yfir 90 daga, skáki auglýsingakostnaði stórfyrirtækja á Facebook.
„Það eru ekki mörg fyrirtæki – stórfyrirtæki - sem setja svona mikla peninga í þetta. Bara mjög fá,“ segir Agnar í samtali við mbl.is.
Þannig að Ástþór er að verja að meðaltali meiru í auglýsingar en stórfyrirtæki í landinu á þessum tímaramma?
„Já, töluvert meira. Það er eitt og eitt fyrirtæki sem er þarna, en hann er að setja töluvert meira í þetta.“
Ver líklega milljónum í auglýsingar hjá Google
Langmestum fjármunum hefur Ástþór varið í auglýsingar með Facebook-síðunni Ástþór forseti, eða 5.800.173 krónum. Þar á eftir kemur nuna.is þar sem hann hefur varið 200 þúsund krónum og svo Facebook-síðan Ástþór Magnússon þar sem hann hefur varið 27.049 krónum.
Ástþór hefur líka látið til sín taka á Google, aðallega með YouTube-auglýsingum. Ekki er hægt að sjá hver kostnaðurinn við auglýsingar hans er þar en þó má sjá að hann er með margar auglýsingar á þeim miðli.
„Varlega áætlað þá sér maður að Ásþór er að setja töluverða fjármuni í Google líka,“ segir Agnar.
Spurður hvort að um sé að ræða nokkrar milljónir sem Ástþór er að verja í auglýsingar á Google, segir Agnar:
„Það kæmi mér á óvart, miðað við tíðni og annað, að það sé ekki að hlaupa á svoleiðis tölum.“
„Höldum áfram að fylgjast með“
Ríkisfjármálin ósjálfbær þó staðan sé góð
Verkefnin snúa að velferð fólksins
Hvað verður um plastið?
Verðskulda allir frambjóðendur jafna athygli?
„Jæja, Jón forseti bara mættur“
Mun ekki framselja vald sitt til Felix