Fyrsti hundraðkallinn á þessari vertíð veiddist í Víðidalsá eftir hádegi. Breski kvikmyndaleikarinn James Murray setti í fiskinn í Harðeyrarstreng og barðist við hann í rúman hálftíma. Hængurinn mældist 101 sentímetri og var ótrúlega flott eintak af Atlantshafslaxi.
Fiskurinn tók smáflugu og var því tekið mjúklega á honum. Þetta er stærsti lax sem Murray hefur veitt og var gleði leikarans mikil þegar félagi hans kvikmyndaleikarinn Robson Green háfaði fiskinn. Heyra mátti gleðiöskrin víða um Víðidal.
Þeir félagar eru staddir hér á landi til að gera veiðiþátt um Ísland fyrir erlendar sjónvarpsstöðvar. Þeir fara af landi brott á morgun og má segja að hápunktur ferðarinnar hafi komið á réttum tíma og sé einskonar rúsína í pylsuendanum.
Þeir félagar sögðu í samtali við Sporðaköst að þeir væru einfaldlega uppnumdir af landi og þjóð og síðast en ekki síst fiskinum sem hér á heima.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |