Veiði | mbl | 15.5.2023 | 19:45 | Uppfært 16.5.2023 9:00

Framlengja samning um Ytri út 2031

Nýr átta ára samningur undirritaður. Frá vinstri: Viðar Steinarsson, Stefán Sigurðsson, Harpa Hlín Þórðardóttir, Gunnar J. Gunnarsson formaður, veiðifélagsins, Ármann Ólafsson Ari Árnason framkvæmdastjóri og Guðmundur Einarsson. Ljósmynd/IO

Veiðifélag Ytri–Rangár og fyrirtækið Iceland Outfitters hafa gert með sér áframhaldandi átta ára umboðssölusamning um vatnasvæði Ytri–Rangár og Vesturbakka Hólsár. Samningurinn var samþykktur samhljóða á aðalfundi félagsins nú á dögunum en hann tekur gildi frá og með 2024 þegar núverandi samningi lýkur.

„Aðspurð segja báðir aðilar að sala og samstarf hafa gengið framar björtustu vonum og er horft björtum augum til framtíðar en við erum með um 90% endurkomu laxveiðigesta sem hlýtur að teljast ansi góður árangur sérstaklega þegar horft er til fjölda stangardaga sem eru í boði.

Ytri–Rangá er ein besta og oftast aflahæsta á landsins. Hún rennur í gegnum Hellu og er veitt á 12 - 18 stangir á aðalsvæðinu. Fjórar stangir á Vesturbakka Hólsár og fylgir sjálfsmennsku hús. Þar fyrir neðan er svo tveggja stanga laxasvæði án Veiðihúss.

Fyrir ofan Árbæjarfoss er átta stanga silungsveiði að ógleymdri vorveiðinni í sjóbirting á laxasvæðinu.

Hundblautir en alsælir. Mark Coley með lax númer tvö þúsund úr Ytri - Rangá í fyrra. Sá lax kom á land 9. ágúst. Ljósmynd/Matthías Sigurðsson

Veiðihús Ytri Rangár er hið glæsilegasta og var allt tekið í gegn fyrir síðasta tímabil og ýmislegt hefur verið gert fyrir komandi tímabil. Það er því mikil spenna fyrir laxveiðitímabilinu sem hefst 20. júní í Ytri–Rangá,“ segir í sameiginlegri fréttatilkynningu frá samningsaðilum.

Það eru hjónin Harpa Hlín Þórðardóttir og Stefán Sigurðsson sem eiga og reka Iceland Outfitters en þau sömdu við stjórn veiðifélagsins sumarið 2021 og tóku við sölunni fyrir síðasta sumar. Nú liggur fyrir að Iceland Outfitters verður áfram með ána.

Í fyrra var Ytri–Rangá með samtals 5.086 laxa og er það besta veiðisumarið frá því árið 2017.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.