Bjó til Kim Kardashian köku úr Rice Kirspies

Bakaradrottningin Debbie Wingham er flinkari en flestir þegar kemur að kökugerð. Nýjasta uppátækið hennar er að búa til köku sem er.... hvorki meira né minna en nokkuð góð eftirmynd af hinni einu sönnu Kim Kardashian.

Kakan er gerð úr Rice Krispies og 15 kílóum af sykurmassa auk þess sem hana prýða skartgripir sem eru milljóna virði.

Ekki verður annað sagt en að kakan sé rosaleg en engum sögum fer af viðbrögðum fyrirmyndarinnar né hvort aðdáendur hennar séu ólmir í að narta í hana. Við stoppum hér enda býður þetta upp á of marga tvíræða brandara.

Hér gefur að líta kökuna sjálfa ásamt öðrum kökum sem Wingham hefur bakað og er ekki annað hægt en að dást að hugmyndaauðginni, sköpunargleðinni og handbragðinu.