Bastið var vinsælt á hippaárunum og fram á níunda áratuginn en svo hefur það ekki sést mikið, nema kannski í einstaka sumarbústað í Grímsnesinu. Eða hjá fólkinu sem fór með „ljóta“ dótið sitt í bústaðinn. En nú kveður við annan tón. Bastið þykir nefnilega alls ekki ljótt núna heldur er það mikil heimilisprýði. Ef þú ert að hugsa um jörðina þá er bastið ákaflega umhverfisvænt.

Reyr er létt, endingargott og sveigjanlegt hráefni sem færir náttúruna svolítið inn til okkar. Vörurnar eru iðulega handofnar og því er hver þeirra einstök. Náttúrulegur liturinn fer eftir tegund, jarðvegi og loftslagi. Reyr er þar að auki vistvænt hráefni því hann vex hratt, eða 2 til 4 metra á ári.

SINNERLIG loftljósið frá IKEA er unnið úr bambus-trefjum en það efni er einnig endingargott og sterkt hráefni sem endurnýjast hratt miðað við hefðbundnar viðartegundir og því mun vistvænni kostur.