Samkvæmt enska dagblaðinu Dailymail hefur Real Madrid boðið Chelsea 100 miljónir punda fyrir knattspyrnumennina Willian og Thibaut Courtois.
Courtois hefur ekki haldið því leyndu að hann væri til í að flytjast aftur til spænsku höfuðborgarinnar þar sem börnin hans eiga heima. Hann á núna aðeins eitt ár eftir af samningi sínum við Chelsea.
Willian átti mjög góða heimsmeistarakeppni og bárust fréttir fyrr í mánuðinum um að Barcelona hafi gert tilboð í kappann en hætt við eftir að verðmiði Chelsea þótti of hár. Í staðinn fyrir Willian keypti Barcelona samlanda hans Malcom frá Bourdeaux.