Íslenska karlalandsliðið í handknattleik er komið til Vilnius í Litháen þar sem liðið leikur annað kvöld gegn Litháum í undankeppni HM 2019.
Um er að ræða fyrri leik þjóðanna í umspili um laust sæti á HM sem haldið verður í Þýskalandi og Danmörku. Síðari leikurinn verður í Laugardalshöll á miðvikudagskvöldið í næstu viku.
Íslenska liðið mun æfa í keppnishöllinni í Vilnius í kvöld og verður það eina æfingin á leikstað. Íslenski hópurinn lagði af stað frá Keflavík snemma í morgun og millilenti í Stokkhólmi á leið sinni til Vilnius.