Umrót í efstu lögum Icelandair

Töluverðar breytingar hafa orðið á starfsmannahaldi Icelandair í vetur, sem og skipulagi fyrirtækisins. Tveir framkvæmdastjórar og yfirlögfræðingur, allir með langa starfsreynslu, létu af störfum með stuttu millibili. 

Frétt af mbl.is

Starfsemi Icelandair Group skipt í tvennt

Icelandair tilkynnti um nýtt skipurit í gær sem endurspeglar breytingar á skipulagi félagsins. Breytingarnar fela í sér að starf­seminni verði skipt í tvennt. Ann­ars veg­ar verður um að ræða alþjóðaflug­starf­semi og hins veg­ar fjár­fest­ing­ar. 

Fyrr um daginn var greint frá því að Svali Björgvinsson hefði sagt upp störfum sem fram­kvæmda­stjóri starfs­manna­sviðs Icelanda­ir en hann hafði starfað hjá félaginu í tæp níu ár.

Bogi Nils Boga­son verður fram­kvæmda­stjóri yfir fjár­málum Icelanda­ir Group, Elísa­bet Helga­dótt­ir yfir mannauðssviði, Jens Þórðar­son yfir rekstr­ar­sviði, Birna Ósk Ein­ars­dótt­ir yfir stefnu­mót­un­ar- og viðskiptaþró­un­ar­sviði og Guðmund­ur Óskars­son yfir sölu- og markaðssviði.

Auk þeirra eiga sæti í framkvæmdastjórn Björgólfur forstjóri, Magna Þórey Hjálmarsdóttir, framkvæmdastjóri Icelandair Hotels, Gunnar Már Sigurfinnsson, framkvæmdastjóri Icelandair Cargo, og Jens Bjarnason sem sinnir alþjóðasamskiptum. 

Frétt af mbl.is

Birkir lætur af störfum hjá Icelandair

Þegar tilkynnt var um skipulagsbreytingarnar um miðjan nóvember kom í ljós að Birkir Hólm Guðna­son myndi láta af störf­um sem fram­kvæmda­stjóri flug­fé­lags­ins. Birk­ir Hólm var ráðinn fram­kvæmda­stjóri í maí 2008 en hafði þá starfað hjá Icelanda­ir um nokkurt skeið. 

Davíð Þorláksson lét af störfum sem yfirlögfræðingur hjá Icelandair í október en hann hafði  verið yf­ir­lög­fræðing­ur þar frá ár­inu 2009. Í hans stað kom Ari Guðjónsson sem hóf fyrst störf á lög­fræðisviði Icelanda­ir Group sam­hliða há­skóla­námi árið 2010.

Þá var Klara Íris Vig­fús­dótt­ir ráðin for­stöðumaður flug­freyja og flugþjóna og Guðrún Aðal­steins­dótt­ir tók við sem for­stöðumaður þjón­ustu­vara í byrjun vetrar. 

• Blogga um frétt