Sala Dominos's Pizza Group plc. á öllu hlutafé Pizza Pizza ehf., sérleyfishafa Domino's á Íslandi, hefur verið tilkynnt í kauphöllinni í London.
Fjárfestingahópur undir forystu Birgis Þórs Bielveldt greiddi 2,4 milljarða króna fyrir skyndibitakeðjuna eins og áður hefur verið greint frá í Morgunblaðinu og á mbl.is.
Fram kemur í tilkynningunni til kauphallarinnar að kaupin hafi gengið í gegn þann 31.maí 2021.
Dominos's Pizza Group heldur úti ýmist útibúum eða rekstri Dominos pítsu-staða í Bretlandi, Írlandi og Sviss. Félagið er einnig með rekstur í Þýskalandi og Lúxemborg.