Jón Gunnarsson og Otti Rafn Sigmarsson, formaður Slysavarnafélagsins Landsbjargar, rituðu undir samkomulag um aðkomu ríkisins að fjármögnun fimm nýrra björgunarskipa á landsþingi Slysavarnafélagsins Landsbjargar. 

Þegar hefur verið samið um smíði þriggja nýrra skipa, tvö verið afhent, og von á því þriðja í haust, en samningurinn stuðlar að endurnýjun á öllum 13 björgunarskipum félagsins. Samningurinn tryggir fjármögnun ríkisins á um helming kaupverðs næstu fimm skipa. 

Ályktað um öryggi ferðarmanna og þyrluflug

Á þinginu voru einnig samþykktar tvær ályktanir, en fyrri ályktunin hvetur stjórnvöld til þess að tryggja að á öllum stundum séu tiltæk sérhæfð loftför til leitar og björgunar hér á landi. 

„Öryggi í rekstri og björgunargetu Landhelgisgæslunnar er lykilatriði í þéttu neti viðbragðsaðila þar sem hver treystir á annan. Sjálfboðaliðar Slysavarnafélagsins Landsbjargar, sem og landsmenn allir, verða að geta treyst því að ávallt séu tiltækar öflugar björgunarþyrlur, flugvélar eða önnur sambærileg björgunartæki sem einungis er á færi hins opinbera að halda úti.“

Frétt af mbl.is

Þyrluflugmenn vildu ekki hlaupa í skarðið

Síðari ályktunin skorar einnig á stjórnvöld ásamt fyrirtækjum í ferðaþjónustu að taka höndum saman um aðgerðir til að bæta til muna öryggi á ferðamannastöðum og benda á í greinargerð ályktunarinnar að mikil fjölgun ferðamanna á landinu hafi valdið mikilli aukningu á óhöppum og alvarlegum slysum á ferðamannastöðum um land allt.

Frétt af mbl.is

Kona á þrítugsaldri látin eftir fall við Glym

Tengdar fréttir

Öryggi sjófarenda

Færa smábátasjómönnum öryggisapp að kostnaðarlausu

• Strand skemmtiferðaskips kallar á erlenda aðstoð
• Kalla þyrfti til erlent viðbragð
• Hafa þrjá mánuði til að bregðast við
• Siglingatækni Hefring í nýju björgunarskipin

» Fleiri tengdar fréttir

• Blogga um frétt