Prins Póló snýr heim á Hammondhátíðina

Hirð tónlistarmannsins heitins Svavars Péturs Eysteinssonar, sem var betur þekktur sem Prins Póló, spilar á Hammondhátíð á Djúpavogi á morgun, 26. apríl.

Er það á sjálfum afmælisdegi prinsins sem hefði fagnað 47 ára afmæli sínu.

Yfirskrift tónleikanna er Prinsinn heim. Þar sem Svavar Pétur bjó í Berufirði og þótti afskaplega vænt um staðinn og fólkið. Hann lést haustið 2022 eftir baráttu við krabbamein.

Spila bestu lög Prins Póló

Hirðin er að þessu sinni svona skipuð: Valdimar Guðmundsson, Lay Low, Benedikt Hermann Hermannsson, Borko, Örvar Smárason, Svanhildur Lóa og Berglind Häsler.

Kynnir verður Sandra Barilli og í veislunni verður tilkynnt hver hlýtur fyrsta styrkinn úr Minningarsjóði Svavars Péturs Eysteinssonar og frá því verður streymt á Instagram-síðu Havarí.

Hirðin spilar bestu lög Prins Póló og FM Belfast þeytir skífum til að klára kvöldið með glans.

Frétt af mbl.is

Moses Hightower og Prins Póló gefa út eyjalag

• Blogga um frétt