EBU megi fara til fjandans
Setja bókamerki
Tengdar fréttir
Eurovision
Írski Eurovision-keppandinn Bambie Thug, sem lenti í 6. sæti í keppninni í gær, gefur skipuleggjendum keppninnar langt nef og segir að Samband evrópskra sjónvarpsstöðva (EBU) megi fara til fjandans.
Telegraph greinir frá. Bambie hefur gert athugasemd við þátttöku Ísraels í keppninni og reyndi einnig að koma duldum skilaboðum inn í atriðið sitt til að sýna samstöðu með Palestínumönnum.
Hán lenti líka uppi á kant við ísraelsku sjónvarpsstöðina Kan, sagði að sjónvarpsstöðin hefði brotið reglur keppninnar og sendi hán inn kvartanir til EBU fyrir vikið.
Má ég tjá mig núna?
„Fyrst ég er frjáls núna, þá má ég tala um allt, ekki satt?“ spurði Bambie þegar hán ræddi við fjölmiðla eftir úrslitakvöld Eurovision í gær.
Írar lentu í 6 sæti í keppninni í gær, einu sæti fyrir neðan Ísrael. Aftur á móti fagnar hán einnig sigri hins svissneska Nemo, sem varð í gær fyrsta kvárið til að vinna Eurovision.
„Ég er svo stolt af okkur sem erum í efstu tíu sætunum, sem höfum verið að berjast fyrir þessu kjaftæði á bak við tjöldin. Því að þetta hefur verið svo erfitt,“ sagði hán og bætti við:
„Við erum það sem Eurovision er. EBU er ekki það sem Eurovision er. EBU má fara til fjandans. Mér er orðið sama. Skítt með þá.“
Tengdar fréttir
Eurovision
Sprunga virðist hafa opnast við varnargarð
„Skoðanakannanirnar eru ekkert alveg með þetta“
Fékk ekki að kjósa á kjörstað
Jón stólar á Reykvíkinga
„Sérstök upplifun að kjósa sjálfan sig“
Mest spennandi kosningar síðan 1980
Beint: Talið upp úr kjörkössunum