Mótmælt á Keflavíkurflugvelli
Setja bókamerki
Um 15 manns mættu til mótmæla á Keflavíkurflugvelli í kvöld. Samtökin No Borders boðuðu til mótmælanna vegna brottvísunar þriggja nígerska kvenna, Blessing, Mary og Esther.
Konurnar þrjár hafa undanfarna daga verið í gæsluvarðhaldi á Hólmsheiði en vísa átti þeim úr landi í kvöld, á milli kl. 23 og 01, að því er fram kom í tilkynningu frá No Borders.
Konurnar þrjár hafa dvalið á Íslandi í nokkur ár. Konurnar hafa allar lýst því að þær séu þolendur mansals. Útlendingastofnun hafnaði seinni partinn í dag beiðni lögmanns um frestun brottvísunar einnar þeirra, Blessing, af heilsufarsástæðum.
Konurnar fengu endanlega synjun á umsókn sinni um alþjóðlega vernd fyrir um ári síðan. Við það misstu þær rétt á þjónustu og búsetu.
Í Leifsstöð í kvöld.
mbl.is/Kristinn Magnússon
Má mikið breytast ef Halla verður ekki forseti
Halla fyrsti forsetinn af hægri vængnum
Segjum líka „þetta reddast“
Halla Tómasdóttir kjörin forseti Íslands
Mun fleiri horfðu til Höllu en Katrínar í könnun
Halla nái að sannfæra þau sem kusu hana ekki
Landskjörstjórn tilkynnir niðurstöðurnar
Halla: Mér líður ótrúlega vel