Parhús við Stígprýði 4 vakti athygli þegar það var auglýst til sölu. Parhúsið er 273 fm að stærð og var reist árið 2020. Ragnar Ólafsson arkitekt er hönnuður hússins en Béton Studio sá um innanhússhönnunina í húsinu. Fyrirtækið er í eigu Bryndísar Stellu Birgisdóttur sem er innanhússarkitekt.

Eignin var innréttuð á afar sjarmerandi máta þar sem mínimalískur stíll er ráðandi. Þrjú svefnherbergi eru í húsinu og tvö baðherbergi. Nýir eigendur hússins eru Hrannar Jón Emilsson og Guðrún Dögg Elvarsdóttir og greiddu þau 155.000.000 kr. fyrir húsið. Þau voru nýbúin að festa kaup á húsi í Grindavík þegar eldgos hófst í bæjarfélaginu. Hrannar sagði frá því í samtali við mbl.is að hann ætlaði að halda áfram.

Smartland óskar þeim til hamingju með nýja húsið!