Sá eini sem klappaði ekki fyrir Klopp (myndskeið)

Jürgen Klopp stýrði sínum síðasta leik sem knattspyrnustjóri Liverpool í gær og var kvaddur með virktum á Anfield eftir 2:0-sigur á Úlfunum í lokaumferð ensku úrvalsdeildarinnar.

Leikmenn og starfsfólk Liverpool stóðu heiðursvörð fyrir Klopp og klöppuðu fyrir þýska stjóranum.

Frétt af mbl.is

Kveðjustund Jürgens Klopps (myndskeið)

Það er, allir nema úrúgvæski sóknarmaðurinn Darwin Núnez.

Fátt fer framhjá haukfránum augum netverja og birti einn þeirra myndskeið af heiðursverðinum á X-aðgangi sínum þar sem sjá má frá fjórðu sekúndu hvernig Núnez virðist ekki hafa nokkurn áhuga á að klappa fyrir Klopp.

Úrúgvæinn eyddi öllum ljósmyndum af sér í treyju Liverpool á Instagramaðgangi sínum í byrjun mánaðarins og þykir þetta tvennt renna stoðum undir að Núnez sé á förum frá félaginu í sumar.

Frétt af mbl.is

Eyddi öllum færslum um Liverpool

• Blogga um frétt