Valur mætir gríska liðinu Olympiacos í úrslitum Evrópubikarsins í handbolta. Fyrri leikurinn er á Hlíðarenda klukkan 17 og seinni leikurinn ytra eftir viku. Óskar Bjarni Óskarsson þjálfari Vals á von á mjög erfiðu úrslitaeinvígi.
„Þeir eru með frábært lið og líklega er þetta sterkasta liðið í keppninni þegar við horfum á fjárhag, getu og reynslu. Þarna eru sex grískir landsliðsmenn og góðir útlendinga í bland með. Þeir eru góðir í öllum stöðum.
Við þurfum að eiga mun betri frammistöðu en við höfum átt að undanförnu. Við þurfum að fá okkar einkenni; betri vörn, meiri hraða og heilsteyptari leik í alla staði. Það er ekkert annað í boði,“ sagði Óskar.
Fleiri greinar úr viðtalinu við Óskar birtast á mbl.is næstu tímana til að hita upp fyrir fyrri leikinn í úrslitaeinvíginu í dag.