Afturelding gerði sér lítið fyrir og vann sannfærandi sigur á ríkjandi Íslandsmeisturum KA, 3:0, á útivelli í fyrsta leik liðanna í úrslitaeinvígi Íslandsmóts kvenna í blaki í KA-heimilinu í kvöld.
Gestirnir úr Mosfellsbæ, sem eru ríkjandi bikarmeistarar, unnu fyrstu hrinuna eftir upphækkun, 26:24.
Eftir það voru Aftureldingarkonur sannfærandi og unnu tvær síðustu hrinurnar með sama hætti, 25:15, og leikinn örugglega í leiðinni.