Seinkun á vél Elínar Ey söngkonu frá London til Portúgal reyndist vera lán í óláni. Seinkunin varð til þess að hún gat hitt kærustu sína Írisi Tönju leikkonu sem einnig var stödd í London á sama tíma.
Þetta var kærkomið tækifæri fyrir parið að njóta lífsins saman en þær hafa báðar verið mikið á faraldsfæti undanfarið. Íris Tanja starfar sem flugfreyja meðfram leiklistinni og Elín Ey er nýkomin úr Eurovision reisunni.
Eurovisionhópurinn flaug til Kaupmannahafnar á leið sinni til Tórínó fyrir nokkrum vikum. Þá var Íris Tanja svo heppin að fá að fylgja kærustu sinni, Elínu Eyþórsdóttur, söngkonu og Eurovisionsystur, áleiðis en hún var flugfreyja í fluginu.