Stór loftslagsráðstefna Sameinuðu þjóðanna, COP 26, sem átti að fara fram í skosku borginni Glasgow í nóvember, hefur verið frestað vegna kórónuveirunnar.

Bresk stjórnvöld greindu frá þessu í dag.

„Í ljósi áhrifa af völdum COVID-19 er ekki lengur hægt að halda hina metnaðarfullu COP 26 í nóvember 2020,“ sagði breska ríkisstjórnin í yfirlýsingu.

Tilkynnt verður síðar hvenær ráðstefnan verður haldin á næsta ári.

Um 30 þúsund manns, þar á meðal 200 þjóðarleiðtogar, áttu að taka þátt í ráðstefnunni sem átti að standa yfir í tíu daga þar sem umfjöllunarefnið átti að vera sú hætta sem stafar af hlýnun jarðar.

Tengdar fréttir

Loftslagsvá

Versta vínuppskera í 62 ár

• Gretu Thunberg gert að mæta fyrir dóm
• Áhrif hlýnunar mest í Asíu
• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“

» Fleiri tengdar fréttir

• Blogga um frétt