Fjögur flugskeyti lentu á ríkisverksmiðju, rétt fyrir utan Kænugarð, sem þjónustar lestarkerfið í Úkraínu.

Upplýsingar um það hvar flugskeytin komu niður höfðu verið misvísandi og í rússneskum miðlum var því haldið fram að þær hefðu hæft skriðdrekaverkstæði. 

Óskar Hallgrímsson, ljósmyndari og íbúi í Kænugarði, fór á vettvang, ræddi við fólkið og myndaði rústirnar. 

Frétt af mbl.is

Sprengingar í Kænugarði merki um að Rússar hörfi

Eyðileggingin er gríðarleg. mbl/ Óskar Hallgrímsson

Órökrétt að sprengja verksmiðjuna

„Mér finnst ólíklegt að Rússar hafi áttað sig á því hvað þeir væru að skjóta á, það er svo órökrétt að sprengja þessa verksmiðju.“

Óskar lýsir því hvernig starfstöðvar verksmiðjunnar þekja risastórt svæði og þar eru hátt í 30 byggingar. Af þeim hæfðu Rússar þrjár. 

Hann ræddi við fulltrúa frá alríkislögreglu Úkraínu, sem sagði að eitt svona flugskeyti kosti þrjár milljónir dollara.

Fá vinnu við uppbyggingu

„Þarna er svakaleg eyðilegging. Þetta er krúttlegur vinnustaður og flestir vinna þarna alla ævi þarna.“

Fólkið sem starfaði í byggingunum sem urðu flugskeytunum að bráð, missa ekki vinnuna heldur fá að starfa við að endurreisa húsin, að sögn Óskars. 

Hér má sjá þrjár konur sem störfuðu í verksmiðjunni, ásamt dóttur einnar og tuskuhundsins hennar sem heitir Doggo. Óskar Hallgrímsson

Tengdar fréttir

Úkraína

Hernaðaraðstoð samþykkt – Vopnasendingar í vikunni

• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn
• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt

» Fleiri tengdar fréttir

• Blogga um frétt