Mike Pence, fyrrverandi varaforseti Donalds Trump, kveðst ekki ætla að styðja við framboð Trumps til forseta í komandi kosningum. 

„Það ætti ekki að koma neinum á óvart að ég mun ekki veita Donald Trump stuðning minn í komandi kosningum,“ sagði Pence í viðtali við fréttaveituna Fox fyrr í kvöld.

Fjölmiðlar vestanhafs segja engu að síður að orð Pence komi á óvart, þar sem flestir framámenn í Repúblikanaflokknum hafi lýst yfir stuðningi sínum við Trump.

Pence sagði í viðtalinu að hann teldi að Trump boðaði nú stefnu, sem væri á skjön við þá íhaldsstefnu sem Trump og Pence hefðu unnið eftir á sínu kjörtímabili, og því gæti hann ekki með góðri samvisku veitt Trump stuðning sinn.

Vildu hengja Pence

Trump reyndi að þrýsta á Pence á sínum tíma til þess að viðurkenna ekki talningu kjörmanna í forsetakosningunum 2020, þar sem Trump laut í lægra haldi fyrir Joe Biden, núverandi Bandaríkjaforseta. Pence neitaði hins vegar að verða við því, og í kjölfarið skaut Trump föstum skotum á Pence á samfélagsmiðlum. 

Frétt af mbl.is

Múgur braust inn í þinghúsið

Tengdar fréttir

Donald Trump fyrrverandi Bandaríkjaforseti

Sagðist hafa þaggað niður neikvæða umfjöllun

• Segir Trump ekki sekan
• Opnunarræður fluttar í máli Trumps
• Lést eftir að hafa kveikt í sér
• Trump mætir fyrir dóm í fyrsta sakamálinu

» Fleiri tengdar fréttir

• Blogga um frétt