Bandaríkin lýsa miklum vonbrigðum sínum með þá ákvörðun ísraelska forsætisráðherrans Benjamíns Netanjahú að aflýsa heimsókn sendinefndar Ísraels til Washingtonborgar.
„Við erum mjög vonsvikin með að þau muni ekki koma til Washington DC til að leyfa okkur að eiga hreinskiptar samræður um tiltæka valkosti aðra en að fara inn á jörðu niðri í Rafah,“ sagði John Kirby, talsmaður bandaríska þjóðaröryggisráðsins, við blaðamenn.
Netanjahú aflýsti heimsókn nefndarinnar eftir að Bandaríkin sátu hjá við atkvæðagreiðslu öryggisráðs Sameinuðu þjóðanna, þar sem samþykkt var að krefjast tafarlauss vopnahlés í Gasa.
Í tilkynningu frá skrifstofu forsætisráðherrans sagði að hjásetan skemmdi fyrir baráttu Ísraels við hryðjuverkasamtökin Hamas og tilraunum til að frelsa gíslana sem eru í haldi þeirra.
„Þetta gefur Hamas von um að alþjóðlegur þrýstingur muni leyfa þeim að samþykkja vopnahlé án þess að frelsa þá sem teknir voru,“ er haft eftir Netanjahú.