Von er á norðanátt á landinu næsta sólarhringinn, 8-13 metrum á sekúndu norðvestantil fram á nótt, en annars hægari vindur.
Þá má búast við dálitlum éljum, en léttir víða til á Suður- og Vesturlandi í nótt. Bjartviðri síðdegis á morgun, en smáskúrir eða él um landið austanvert. Hiti verður 0 til 8 stig að deginum, mildast syðst.
Á sunnudag snýr í sunnan- og suðvestanátt, 8-15 metrar á sekúndu. Þurrt verður á Norðaustur- og Austurlandi en rigning eða slydda annars staðar. Hiti verður á bilinu 2 til 8 stig.