Snjóað hefur í Hlíðarfjall og samkvæmt upplýsingum frá lögreglumönnum á vakt á Akureyri nær snjórinn niður að hótelinu. Sömu sögu er að segja af Súlum en þar hefur einnig snjóað.
Miðað við veðurspá leysir snjó væntanlega fljótlega því spáð er suðvestlægri átt í dag og bjartviðri á Norðausturlandi og Austfjörðum. Hægari suðlæg átt á morgun og víða bjart með köflum en áfram stöku skúrir við vesturströndina. Hiti 8 til 17 stig, hlýjast austanlands.