Tíu bækur stóðu upp úr hjá börnunum

Opinberað var í dag hvaða bækur hlutu Bókaverðlaun barnanna 2019, en tíu bækur sem valdar voru keppa í Sagna, verðlaunahátíð barnanna sem sjónvarpað verður á RÚV 1. júní.

„Árlega tilnefna börn þær bækur sem þeim þykja skemmtilegastar, áhugaverðastar eða bestar af hvaða ástæðu sem er og verða Bókaverðlaun barnanna afhent nú í 18. sinn. Börn af öllu landinu kusu og alls fengu 117 bækur kosningu,“ segir í tilkynningu frá Borgarbókasafni Reykjavíkur.

Bækurnar sem fengu verðlaun þetta árið. Ljósmynd/Aðsend

Af bókunum 117 stóðu fimm íslenskar og fimm þýddar barnabækur upp úr. Höundar veittu viðurkenningum viðtöku í Borgarbókasafninu Grófinni í dag. Jón Víðis, töframaður, sýndi svo listir sínar og skemmti mannskapnum. Eftirfarandi bækur hlutu Bókaverðlaunin:

Íslenskar

Fíasól gefst aldrei upp – Kristín Helga Gunnarsdóttir

Henri rænt í Rússlandi – Þorgrímur Þráinsson

Orri óstöðvandi – Bjarni Fritzson

Siggi sítróna – Gunnar Helgason

Þitt eigið tímaferðalag – Ævar Þór Benediktsson                

Þýddar

Dagbók Kidda klaufa eftir Jeff Kinney, þýðandi Helgi Jónsson

Handbók fyrir ofurhetjur, annar hluti: Rauða gríman eftir Elias Våhlund, þýðandi Ingunn Snædal

Leyndarmál Lindu: sögur af ekki-svo gáfaðri sem veit-allt eftir Rachel Renée Russell, þýðandi Helgi Jónsson

Miðnæturgengið eftir David Walliams, þýðandi Guðni Kolbeinsson

Verstu börn í heimi 2 eftir David Walliams, þýðandi Guðni Kolbeinsson

Þá fengu tíu heppin börn vinning, en þau eru úr hópi þeirra sem tóku þátt í að kjósa bækurnar. Vinningshafarnir eru:

1. Annel Máni Jóhannsson
2. Flóki
3. Helena Lapas
4. Leifur
5. María Ævarsdóttir
6. Orri Guðmundsson
7. Róbert Stefánsson
8. Sigrún Alda Jónsdóttir
9. Soffía Þóra Ómarsdóttir
10. Þór Ástþórsson

• Blogga um frétt