Gular viðvaranir og áframhaldandi óvissustig

Gular viðvaranir eru í gildi á Austurlandi að Glettingi og Austfjörðum en á báðum stöðum er austanhríð. Þá er enn í gildi óvissustig vegna snjóflóðahættu á Austurlandi. Töluverður snjór er á svæðinu og er mikilli úrkomu spáð til hádegis á morgun. Búast má við að snjóflóðahætta geti skapast í veðri sem þessu en enn sem komið er er ekki talin hætta á að snjóflóð falli í byggð. 

Í fyrramálið tekur gul viðvörun gildi á Suðausturlandi en um hádegisbilið á miðhálendinu. Einnig er gert ráð fyrir vonskuveðri á Suðurlandi á morgun og tekur gul viðvörun gildi þar klukkan sex annað kvöld.

Frétt af mbl.is

Óvissustig vegna snjóflóðahættu á Austurlandi

„Áfram er spáð rysjóttu veðri næstu daga. Bæði verður veður breytilegt milli landshluta og milli tímabila. Hyggilegt er að taka upplýsingar um veður og færð með í reikninginn þegar ferðalög eru skipulögð“, segir í athugasemd veðurfræðings. 

Búast má við því að færð spillist á Vestfjörðum og Norður- og Austurlandi, samkvæmt vefsíðu Vegagerðarinnar. Vetrarfærð er á flestum leiðum á Suðvesturlandi.

Veðurvefur mbl.is

• Blogga um frétt