Fréttaljósmyndir síðasta árs til sýnis í Kringlunni
Setja bókamerki
Ljósmyndasýningin World Press Photo var opnuð í gær í Kringlunni og gátu gestir og gangandi þar virt fyrir sér þær fréttaljósmyndir ársins 2019 sem unnu til verðlauna World Press Photo-samtakanna. Kringlan stendur fyrir sýningunni í samstarfi við Morgunblaðið.
Lilja Alfreðsdóttir, mennta- og menningarmálaráðherra, opnaði sýninguna formlega auk þess sem Kristinn Magnússon, formaður Blaðaljósmyndarafélags Íslands, hélt stutt erindi.
Alls tóku 4.282 atvinnuljósmyndarar frá 125 löndum þátt í World Press Photo-samkeppninni í ár og voru 73.996 ljósmyndir sendar inn.
Ljósmyndin sem dómnefnd útnefndi sem fréttaljósmynd ársins var tekin af japanska ljósmyndaranum Yasuyoshi Chiba fyrir Agence France – Presse. Myndin sýnir ungan mann, sem er lýstur upp af farsímum, flytja mótmælaljóð meðan mótmælendur kyrja slagorð og krefjast borgaralegrar stjórnar þegar slökkt var á ljósum í Khartoum í Súdan 19. júní 2019.
Dómnefndin veitti alls 44 ljósmyndurum verðlaun í 8 efnisflokkum og koma verðlaunahafar frá 24 löndum.
Brotum fjölgar og lögregla oftar vopnuð
Landrisið gæti hafa stöðvast og gosið virðist eflast
3.800 gígawattsstundir af viðbótarorku árlega
Ríkisfjármálin ósjálfbær þó staðan sé góð
Hafa þurft að stugga við fólki
Skimað fyrir kíghósta meðal leikara
Mun ekki framselja vald sitt til Felix
Frelsi sem fylgdi því að loka Önnu Jónu