Fimm skjálftar yfir þremur að stærð hafa mælst norðvestur af Grindavík við Eldvörp frá klukkan hálf tólf í dag. Var sá stærsti 4,1 að stærð. Ekkert lát er á skjálftahrinunni sem hefur staðið yfir á Reykjanesskaga síðustu daga en frá miðnætti hafa mælst að minnsta kosti 360 skjálftar og síðasta sólarhring voru þeir 750.

Bryndís Ýr Gísladóttir, náttúruvársérfræðingur hjá Veðurstofu Íslands, segir marga þætti geta verið að verki en spennulosun hefur verið víðsvegar um skagann síðustu daga.

Frétt af mbl.is

Stærsti skjálfti sem mælst hefur á þessu svæði

Frétt af mbl.is

Landris í kjölfar skjálftavirkninnar

Gæti hafa valdið spennubreytingum

Þensla sem veldur spennubreytingum er búin að vera á Reykjanesskaganum þar sem kvika hefur mælst á 16 km dýpi við Fagradalsfjall. Þá liggur kvika nokkuð grynnra á einhverjum stöðum en upplýsingar um nákvæma staðsetningu hennar hafa ekki fengist.

Bryndís Ýr segir einnig að skjálftinn í Þrengslum, sem var 4,7 að stærð, hafi mögulega geta valdið spennubreytingum í öðrum skjálftabeltum. Skjálftarnir í dag geti því verið „blanda af mörgum þáttum.“ 

Frétt af mbl.is

Ekki merki um að skjálftahrinan sé að færast

Tengdar fréttir

Eldvirkni á Reykjanesskaga

Nærri tíu milljónir rúmmetra af kviku

• Gylfi Þór ráðinn í samhæfingu vegna Grindavíkur
• Hvorki sést áður hér á landi né annars staðar
• Gígbarmurinn hækkað frá því í gær
• Helmingur umsókna samþykktur fyrir vikulok

» Fleiri tengdar fréttir

• Blogga um frétt