„Þetta er bara sorglegur harmleikur sem hér hefur átt sér stað. Það er verið að vinna í því að kalla saman áfallateymi til að halda utan um samfélagið,“ segir Guðmundur Haukur Jakobsson, forseti sveitarstjórnar í Húnabyggð, um skotárásina á Blönduósi í morgun.

Tveir létust og einn særðist í skotárásinni sem átti sér stað klukkan hálfsex í morgun. Fólkið sem tengist málinu er allt heimafólk.

Guðmundur segir alla vera í „losti“. Sjálfur sé hann enn að reyna að ná utan um málið. 

Frétt af mbl.is

Tveir látnir og einn særður eftir skotárás

Einhverjir hafa verið handteknir í tengslum við árásina, en ekki hefur verið gefið upp hve margir. Árásarmaðurinn er annar hinna látnu. Tengsl eru á milli fólksins.

Guðmundur gerir ráð fyrir því að áfallateymi verði staðsett annaðhvort í félagsheimilinu eða kirkjunni og að fólk geti leitað þangað að vild. Upplýst verður um það von bráðar. Hann kýs að tjá sig ekki frekar um málið að svo stöddu.

Frétt af mbl.is

Lögreglan fór vopnuð á vettvang

Sam­kvæmt upp­lýs­ing­um frá Rauða krossi Íslands hafa tveir viðbragðshóp­ar með sjálf­boðaliðum sem sér­hæfa sig í áfallaviðbrögðum og sál­rænni skyndi­hjálp verið send­ir á Blönduós. Ann­ars veg­ar er viðbragðshóp­ur frá Skaga­strönd og hins veg­ar frá Ak­ur­eyri.

Tengdar fréttir

Skotárás á Blönduósi

Niðurfelling í Blönduósmáli staðfest

• Niðurfelling Blönduóssmáls kærð
• Málið fellt niður á grundvelli neyðarvarnar
• Rannsókn lokið og atburðarásin reifuð
• Staða sakborninga áfram sú sama

» Fleiri tengdar fréttir

• Blogga um frétt