Einhverjir bílar eftir á heiðinni

„Það hafa ekki verið fleiri verkefni í nótt,“ svarar Jón Þór Víglundsson, upplýsingafulltrúi Slysavarnafélagsins Landsbjargar, inntur eftir því hvort björgunarsveitir hafi haft í öðru að snúast í nótt en verkefnum á Fjarðarheiði þar sem björgunarsveitin Ísólfur á Seyðisfirði flutti fólk úr bifreiðum sínum og niður af heiðinni en henni var lokað vegna veðurs.

Frétt af mbl.is

Fjarðarheiði lokuð og björgunarsveitir að störfum

Segir Jón Þór einhverja bíla nú vera eftir á heiðinni en björgunarsveitin hafi snúið töluverðum fjölda ökumanna við, sem hugðust leggja á heiðina, og sent þá aftur til Egilsstaða. Samkvæmt upplýsingum af heimasíðu Vegagerðarinnar er heiðin nú opin fyrir umferð á ný.

Frétt af mbl.is

Gular viðvaranir í gildi fram á kvöld

• Blogga um frétt