Erlendir aðilar sýna því nú áhuga að kaupa og flytja úr landi kísilmálmverksmiðjuna í Helguvík.
Eiga þeir í viðræðum við fulltrúa Arion banka vegna þessa.
Kjartan Már Kjartansson, bæjarstjóri Reykjanesbæjar, staðfestir þetta og bendir á að slíkar viðræður hafi staðið yfir við aðra erlenda aðila en samningar ekki náðst.
Hinn 1. desember 2022 sagði mbl.is frá því að Arion banki og PCC hefðu slitið formlegum viðræðum um möguleg kaup PCC á kísilverksmiðjunni í Helguvík: „Samhliða hefur Arion banki sagt upp raforkusamningi við Landsvirkjun þar sem framleiðsla kísils var forsenda samningsins. Þetta kemur fram í tilkynningu frá Arion banka.“
Hægt er að nálgast umfjöllunina í heild sinni í Morgunblaðinu í dag.