Starship, kröftugasta geimflaug jarðar, flaug lengra og hraðar en nokkru sinni fyrr í þriðja tilraunaflugi sínu í dag en hvarf þegar hún flaug í gegnum lofthjúp jarðar yfir Indlandshafi þar sem hún átti að lenda.
Fyrirtækið greindi frá þessu. Síðustu tvö tilraunaflugin hafa endað með sprengingum en sú varð ekki raunin í þetta sinn.
Starship re-entering Earth's atmosphere. Views through the plasma pic.twitter.com/HEQX4eEHWH
— SpaceX (@SpaceX) March 14, 2024
Flugtak Starship frá bækistöðvum SpaceX í bandaríska ríkinu Texas gekk vel og tók geimflaugin á loft laust fyrir klukkan hálftvö í dag.
Liftoff of Starship! pic.twitter.com/FaNcasuKaq
— SpaceX (@SpaceX) March 14, 2024
„Hópurinn hefur sagt að skipið hafi týnst þannig að það verður engin skvetta í dag,” sagði Dan Huot, upplýsingafulltrúi SpaceX, að því er CNN greindi frá.
„En aftur, það er magnað að sjá hversu langt við komumst í þetta sinn.”
Starship er mikilvægur hluti af áætlun Geimferðastofnunar Bandaríkjanna, NASA, um að senda geimfara á tunglið síðar á þessum áratug. Einnig hyggur Elon Musk, forstjóri SpaceX, á opnun nýlendu á plánetunni Mars í framtíðinni.