Heilanum á okkur er skipt í tvo hluta, meðvitund og undirmeðvitund. Þú hefur eflaust heyrt vísindamenn segja að við notum einungis um 10% af heilanum, mest af meðvitundarhlutanum. Undirmeðvitundin er mun stærri og aflmeiri. Þessi hluti heilans stjórnar um 90% af því sem er eftir í heilanum.  Svo ímyndaðu þér hvernig þú getur breytt lífi þínu ef þú gætir nýtt afl undirmeðvitundarinnar til fullnustu.  Já við getum notað þennan undraverða kraft sem undirmeðvitundin er til að bæta líf okkar.

Hvað gerir undirmeðvitundin?

Undirmeðvitundin verndar okkur, heldur í okkur lífinu. Allt sem við upplifum í lífinu með skynfærum okkar, allt sem við getum séð, heyrt, fundið, bragðað eða lyktað er sent til frekari úrvinnslu og geymt í undirmeðvitundinni.

Undirmeðvitundin býr til tilvísun í alla þessa atburði. Segjum sem svo að þú hafir einhverja neikvæða upplifun í lífinu, meðvitundin hefur sent upplýsingar um þessa upplifun til undirmeðvitundarinnar til úrvinnslu og geymslu. Ef þú síðan upplifir svipaðar aðstæður seinna, þá mun undirmeðvitundin bregðast við og endurkalla þessa neikvæðu upplifun og framkalla  tilfinningu, viðbrögð og ímyndanir. Hún man þessa gömlu upplifun og hvernig á að bregðast við upplýsingum frá skynfærum þínum og hugsunum.

Gott dæmi er til dæmis heitur ketill. Undirmeðvitundin man að ketill getur verið heitur og meitt, annars mundum við endalaust halda áfram að gera sömu mistökin aftur og aftur.

Undirmeðvitundin er margmiðlunarbúnaður og getur framkvæmt sjálfvikt fullt af verkefnum á sama tíma, eins og að ganga, anda, láta hjartað slá o.s.frv.

Hún vinnur fyrir okkur 24 tíma á dag, án þess að taka sér hvíld.

Annað gott dæmi um hversu öflug undirmeðvitundin er, er þegar þú ert að aka bíl. Þegar þú ekur bíl, gerir þú það án þess að velta fyrir þér hvernig þú gerir það, þú bara ekur.

Það frábæra er að við getum notað afl undirmeðvitundarinnar til að ná markmiðum okkar og draumum.  Þú getur forritað undirmeðvitundina til að auka væntingar sem þú hefur í lífinu.

Allar hugsanir, aðgerðir og upplifanir sem við meðtökum í gegnum meðvitund, eru meðteknar og geymdar í undirmeðvitundinni, en undirmeðvitundin veit ekki muninn á hvað þú upplifir sem raunveruleika og hvað er ímyndun. Undirmeðvitundin getur aðeins hugsað bókstaflega. Hún skilur t.d. ekki húmor.

Frábær leið til að forrita undirmeðvitundina til að ná árangri er með myndrænni framsetningu. Það leyfir þér að vera stöðugt að laða að þér það sem þig langar í. Þú þarf að hafa myndrænt fyrir framan þig daglega  jákvæða útkomu að því sem þú vilt  ná fram.  Þarf að innihalda og framkalla tilfinningu og hrifningu.

Að vera með jákvæðar og góðar hugsanir er líka öflug leið til að forrita undirmeðvitundina. Þú hefur vald til að velja hugsanir þínar. Vertu vakandi yfir því hvað þú ert að hugsa, stjórnaðu hugsunum þínum.  Það sem þú ert að hugsa,  sendir meðvitundin  til undirmeðvitundarinnar og hún samþykkir það sem sannleika. Ekki segja ,, mér mun mistakast", ,, ég get þetta ekki" eða ,, ég hef ekki efni á þessu". Undirmeðvitundin samþykkir einungis að þessi staðhæfing sé sönn.

Þjálfaðu meðvitundina í að hugsa um velgengni, hamingju, gleði, hagsæld, heilbrigði og ást.

Notaðu krafta undirmeðvitundarinnar til að færa inn í líf þitt, velgengni, peninga, vinnu, húsnæði, bíl eða hvað annað sem þið langar í. Endurtaktu jákvæðar staðhæfingar daglega. Upplifðu gleðina yfir því að ná árangri og njóta velgengni um leið og þú ferð með þessar jákvæðu staðhæfingar fyrir sjálfan þig.

Við erum fædd með ógnarkraft undirmeðvitundarinnar, en við höfum aldrei nýtt hann til fullnustu.

Ef þú ert með sterkan ásetning um að ná árangri, munt þú leysa úr læðingi krafta undirmeðvitundarinnar.

Bestu óskir á leiðinni til velgengni