Ertu meðvitaður um ástand líkama þíns og hvenær þörf er á að sinna sjálfum þér.  Það er mikilvægt að staldra við slaka á og meta stöðuna, eitthvað sem við ættum að gera reglulega. Við verðum öll svo upptekin af vinnu, fjölskyldu og öðrum ábyrgðum að það er auðvelt að gleyma að hugsa um sjálfan sig í öllum önnunum.  Hve mörg ykkar finnst að þið þurfið að gefa öðrum og  hugsa um aðra áður en þið hugsið um ykkur sjálf? Finnur þú fyrir samviskubiti ef þú gerir eitthvað fyrir sjálfan þig? Fólk er að taka á sig meiri ábyrgðir og skuldbindingar oft á kostnað eigin heilsu og velferð. Það er nauðsynlegt að fylla á tankinn reglulega áður en hann allt í einu þornar upp og þú átt ekkert eftir til að gefa.  Því ekki að gefa sér það loforð og byrja á að hugsa um þig sjálfan.  Með því að rækta líkama og sál ertu hæfari til að gefa meira af sjálfum þér til þeirra sem þú elskar. Þú hjálpar ekki öðrum þegar þú ert veikur og búinn að slíta þér út vegna lélegrar umhirðu um sjálfan þig. Ég er ekki að tala um vikulangt frí, einfaldlega að bæta við einhverum "minn tími" í daglega dagskrá. Þú munt finna meiri kraft og minna stress.

Hugmyndir að aðgerðarplani fyrir vikuna.

1. Einfaldaðu

Áður en þú getur bætt við tíma fyrir sjálfan þig inn í annars erilsama dagskrá, þá verður þú að skapa eitthvað pláss. Hvaða ábyrgð eða verkefni getur þú sleppt eða fengið aðra til að sjá um? Mundu, þú getur ekki gert allt og verið verið allt fyrir alla. Það er í lagi að forgangsraða því sem virkilega skiptir máli fyrir þig. Í þessari viku skaltu ákveða að láta af hendi einhver verkefni eða ábyrgðir sem eru meira slítandi og  meiri byrgði heldur en gefandi og bætandi.

2. Útbúa lista.

Búðu til lista atriða sem þig langar að gera meira af. Hvað er það sem mun færa þér meiri gleði og næringu? Njóttu þess að gera listann, hafðu gleði og skemmtun í huga. Ef þetta er erfitt verkefni, þá þarftu örugglega að bæta eitthvað af þessum mikilvægu stundum inní líf þitt.  Það er ekki neinn réttur eða rangur listi, búðu til lista yfir atriði sem fá þig til að brosa. Sum af mínum eftirlætis atriðum er að hitta vin á kaffihúsi, fara í sund, lesa góða bók með bolla af te, fara út að ganga, fara í nudd, eða einfaldlega að spila við börnin mín.

3. 3 atriði á dag.

Gefðu þér loforð um að hafa 3 atriði skipulögð hvern dag sem þú hlakkar til. Þú þarf að hafa eitthvað sem "hleður þig upp" innan um alla ringulreiðina. Sem dæmi, farðu í heitt bað, hringdu í vin, farðu í stutta hressandi gönguferð. Það þarf ekki að vera eitthvað sem tekur mikinn tíma, jafnvel einföldustu atriði, geta verið alveg ótrúlega endurnærandi.  Með því setja þig í forgang þessi 3 skipti daglega, þá ertu að virða sjálfan þig og velferð þína.

Þú getur notað draumaborðin á velgengni.is til að búa til lista yfir verkefnin.

Gangið þér vel og eigðu frábæra viku.