Markmaðurinn Daði Freyr Arnarsson hefur skrifað undir nýjan samning við knattspyrnudeild FH sem gildir til 2022. Daði fékk óvænt tækifæri í liði FH í sumar vegna meiðsla Gunnars Nielsen og Vignis Jóhannessonar.
Daði hefur leikið tíu leiki í Pepsi Max-deildinni í sumar og tvo leiki í Mjólkurbikarnum. Hann lék með Vestra síðustu tvö sumur og var þriðji markmaður FH í byrjun tímabils.
Hann hefur staðið sig mjög vel og þrátt fyrir að Gunnar Nielsen sé aftur orðinn heill heilsu, er Daði enn aðalmarkmaður liðsins.
Daði Freyr Arnarsson skrifaði í dag undir nýjan samning við FH sem gildir út keppnistímabilið 2022. #ViðerumFH #fotboltinet pic.twitter.com/qnWqeP4GYB
— FHingar (@fhingar) August 20, 2019