Franski formúluökumaðurinn Romain Grosjean, sem horfðist í augu við dauðann í hryllilegu slysi í kappakstrinum í Barein undir lok vertíðarinnar 2020, er ekki af baki dottinn.

Hafur hann samið um að keppa í bandarísku systurkeppni formúlu-1, IndyCar-mótunum, í ár fyrir Dale Coyne liðið. Formúlulið hans, Haas, hafði í fyrrasumar ákveðið að skipta báðum ökumönnum sínum út.

Grosjean hlaut stór og mikil brunasár í slysinu í Barein en þar skall bíll hans á öryggisveggá 220 km/klst hraða. Segist hann ekki enn hafa jafnað sig til fulls af þeim. Hann keppti alls 179 sinnum í formúlu-1 á 10 keppnistíðum með Renault, Lotus og Haas. Hann náði aldrei að vinna mót en komst 10 sinnum á verðlaunapall.

Frumraun Grosjean í IndyCar mótunum verður í Alabama Grand Prix 18. apríl nk.

Romain Grosjean fer til keppni í IndyCar í Bandaríkjunum.

Tengdar fréttir

Formúla-1/Haas F1

Báðir ökumenn látnir flakka

• Haas birtir bílamyndir
• Haas heldur Grosjean og Haas
• Færður aftur um þrjú sæti
• Haas fyrst til að frumsýna

» Fleiri tengdar fréttir

• Blogga um frétt