Í fyrsta skipti frá tímabilinu 2009-10 mun Cristiano Ronaldo ekki leika listir sínar í undanúrslitum Meistaradeildar Evrópu í knattspyrnu.
Ronaldo og félagar hans í Juventus féllu úr leik fyrir frábæru liði Ajax á heimavelli í átta liða úrslitunum í kvöld þar sem Ronaldo skoraði mark Juventus í 2:1 tapi.
Ronaldo hefur hampað Evrópumeistaratitlinum með Real Madrid undanfarin þrjú ár og í fjögur skipti á síðustu fimm árum.
Juventus keypti hann fyrir tímabilið frá Real Madrid fyrir 100 milljónir evra og hann átti að vera leikmaðurinn til að tryggja liðinu Evrópumeistaratitilinn í fyrsta sinn í 23 ár.