Atvinnukylfingurinn Ólafía Þórunn Kristinsdóttir hefur átt frekar erfitt uppdráttar á tímabilinu til þessa. Hún er með þátttökurétt á Symetra-mótaröðinni, þeirri næststerkustu í Bandaríkjunum, en keppir líka á LPGA-mótum á þeirri sterkustu, fái hún boð á slík mót.
Ólafía lék mjög vel í sínu fyrsta tímabili á LPGA-mótaröðinni og endurheimti hún þátttökurétt sinn á mótaröðinni að loknu tímabilinu. Ekki gekk eins vel á tímabili tvö og missti hún fullan keppnisrétt.
Ólafía skrifar pistil inn á Facebook-síðu sinni í dag, þar sem hún lýsir líðan sinni. Hún er enn að venjast því að vita ekki hvað næsta vika býður upp á og það sem því fylgir. Hún hefur leitað sér hjálpar hjá öðrum atvinnumönnum, en afþakkar hjálp frá fólki sem þekkir ekki líf atvinnukylfinga.
Hér að neðan má sjá pistil Ólafíu í heild sinni.