Davidson fékk boð um að leika í National Invitation Tournament í bandaríska háskólaboltanum og mætir Lipscomb í nótt. Mótið er eins konar sárabót fyrir sterk lið sem voru nálægt því að komast í úrslitakeppni NCAA en náðu því ekki.
Mótið fer fram í hinni frægu höll á Manhattan, Madison Square Garden, og er mikil hefð fyrir mótinu því það var fyrst haldið árið 1938.
Davidson féll úr keppni í undanúrslitum í sínum riðli, Atlantic 10, á dögunum og komst ekki í úrslitakeppni NCAA, March Madness, eins og liðinu tókst að gera í fyrra.
Með Davidson leikur Jón Axel Guðmundsson og var Íslendingurinn fremstur í flokki í vetur. Var hann valinn leikmaður ársins í Atlantic 10 riðlinum.
Davidson to Host Lipscomb in Opening Round of NIT Tuesday
— Davidson Basketball (@DavidsonMBB) March 18, 2019
📅 - Tuesday, March 19
📍 - Davidson, N.C.
🕰 - 7:00 PM
📰 - https://t.co/1pt8Hkz9Ws
🎟 - https://t.co/QnHwC4CKWC
BRACKET - https://t.co/xj5Mw8ENwC pic.twitter.com/bp9wGhdOiu