Körfuboltamaðurinn Danero Thomas er búinn að skrifa undir samning við Hamar, sem leikur í 1. deildinni. Gildir samningurinn út komandi leiktíð. Karfan.is greindi frá.
Danero hefur leikið með ÍR, Þór Akureyri og Tindastóli á undanförnum árum. Hann lék með Tindastóli á síðustu leiktíð og skoraði 13 stig, tók 6 fráköst og gaf 3 stoðsendingar að meðaltali í leik.
Danero lék sína fyrstu landsleiki fyrir Ísland á síðasta ári. Hann hefur æft og spilað æfingaleiki með Hamri í haust og skoraði hann m.a 18 stig gegn Skallagrími á dögunum.