Bandaríski þingmaðurinn James Clyburn er á meðal þeirra sem hafa fordæmt atvik þegar hvítur lögreglumaður skaut svartan mann til bana á föstudag í Atlanta í Georgíu-ríki.

Frétt af mbl.is

Lögregla skaut þeldökkan mann til bana í Atlanta

„Það var engin þörf á þessum banvænu aðferðum. Ég veit ekki hvað það er í menningunni sem fær einhvern til að gera þetta. Þetta hlýtur að vera í menningunni. Þetta hlýtur að vera kerfið,“ sagði Clyburn á sjónvarpsstöðinni CNN.

Einhverjir aðgerðasinnar hafa krafist þess að dregið verði úr fjármagni til lögreglunnar og hefur forsetinn Donald Trump tekið undir þau orð. Demókratinn Joe Biden, sem vill verða næsti forseti Bandaríkjanna, hefur tekið annan pól í hæðina og vill að aukið fjármagn fari til lögreglunnar.

Ilhan Omar, þingkona frá Minnesota, segir hugmyndina um að dregið verði úr fjármagninu vera „algjörlega út í hött“ og vill frekar styðja lögregluna á stöðum eins og í heimaborg hennar Minneapolis og byggja hana upp frá grunni.

Ilhan Omar. AFP

Tengdar fréttir

Barist gegn kynþáttafordómum

Morðingi George Floyd stunginn í fangelsi

• Lögreglan í Minneapolis beiti oft of miklu valdi
• Adidas endurskoðar samstarf við Kanye West
• Fjórir ákærðir vegna andláts Breonnu Taylor
• Yfir 20 ár fyrir að brjóta gegn réttindum Floyd

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Lögreglan drepur færri en áður