Jacinda Ardern, forsætisráðherra Nýja Sjálands, sagði í dag að stefnu stjórnvalda þar í landi, þar sem unnið er í áttina á tilslökunum þar sem hægt er að „lifa með veirunni“, verði fram haldið þrátt fyrir nýtt Ómíkrón-afbrigði Covid-19.
Reuters greinir frá.
Engin tilvik af Ómíkrón smiti hafa komið upp á Nýja Sjálandi sem stendur en afbrigðið hefur valdið usla víða um heim síðustu sólarhringa.
„Ómíkrón er áminning um áhættuna sem er enn fyrir hendi við landamæri okkar,“ sagði Ardern á blaðamannafundi í dag.
Nýja Sjáland er og hefur verið með ströngustu landamæraaðgerðir vegna heimsfaraldurs í heimi. Landamæri landsins verða þó lokuð í fimm mánuði til viðbótar.
Á fundinum var einnig farið yfir landamæraráðstafanir gagnvart níu Suður-Afríkuríkjum þar sem ríkisborgarar frá þeim ríkjum þurfi að fara í 14 daga sóttkví.