Skutu niður eldflaugina á síðustu stundu
Setja bókamerki
Stýrieldflaug sem Hútar skutu á loft við Rauðahafið í fyrrinótt komst ískyggilega nálægt bandarískum tundurspilli áður en varnarvopn skipsins náðu að skjóta hana niður.
Fjórir bandarískir embættismenn segja flaugina hafa verið í innan við mílu fjarlægð frá skipinu þegar hún var skotin niður, en fréttastofa CNN fjallar um málið.
Í fyrri árásum hafa tundurspillarnir náð að skjóta niður flaugarnar í að minnsta kosti átta mílna fjarlægð.
Fyrsta sinn sem nota hefur þurft kerfið
Í þessu tilfelli þurfti þó tundurspillirinn, USS Gravely, að notast við svokallað CIWS-kerfi (e. Close-In Weapon System), til að hindra flaugina í því að hæfa skotmark sitt.
Er þetta í fyrsta sinn sem þurft hefur að notast við kerfið frá því Hútar hófu árásir sínar seint á síðasta ári.
CIWS-kerfið er í raun sjálfvirk vélbyssa sem er hönnuð til að koma í veg fyrir árásir á stuttu færi. Kerfið er um leið ein síðasta vörnin sem skipið býr yfir til að skjóta niður aðvífandi eldflaug, þegar allar aðrar varnir hafa brugðist.
Á myndskeiði hér að neðan má sjá kerfið í notkun.
Forsetinn líti yfir axlirnar á þingheimi
Bergnuminn í Hvalfirði
Strand skemmtiferðaskips kallar á erlenda aðstoð
Ólíkt ákall fólks á landsbyggðinni
Norskur lögreglumaður dæmdur
Rothissa á vinnubrögðum forystu BÍ
Færri nota rafhlaupahjól eftir djammið