„Ég er enn að átta mig á því að ég er loksins komin heim!“ segir Sunna Elvira Þorkelsdóttir í samtali við mbl.is. Hún var flutt með sjúkraflugi frá Spáni í dag en vélin lenti síðdegis á Keflavíkurflugvelli.

Sunna var flutt rakleitt frá flugvellinum í sjúkrabíl á endurhæfingardeild Landspítalans á Grensási. 

„Það var tekið rosalega vel á móti mér hér á Grensás og mjög gott að geta talað við lækna og hjúkrunarfólk á íslensku en ekki bjagaðri spænsku,“ segir Sunna en hún lamaðist eftir fall á Spáni í janúar og hafði dvalið á sjúkrahúsi þar þangað til í dag.

Sunna Elvira er komin til landsins. Ljósmynd/Aðsend

Farbanni hennar var aflétt í síðustu viku en hún var sett í það í kjölfar handtöku eiginmanns hennar, Sigurðar Kristinssonar, sem tal­inn var eiga aðild að fíkni­efnainn­flutn­ingi. 

Sunna segir að flugferðin heim hafi verið góð og það hafi verið vel hugsað um hana á leiðinni. Hún verður í einangrun á Grensás í nokkra daga eftir sjúkrahúsdvölina ytra.

Tengdar fréttir

Hlaut mænuskaða á Malaga

Lögreglan tekur yfir mál Sunnu

• Fá forræði yfir máli Sunnu Elviru
• Sunna Elvira komin til Íslands
• Sunna hefur endurheimt vegabréfið
• Niðurstaða í mál Sunnu á næstu dögum

» Fleiri tengdar fréttir

• Blogga um frétt