Grjót borist upp á Ægisgötu

Umferð um Ægisgötu í Reykjanesbæ hefur verið lokað þar sem grjót hefur borist upp á veginn vegna ágangs sjávar. 

Þetta kemur fram í Facebook-færslu lögreglunnar á Suðurnesjum. 

„Vegna mikils ágangs sjávar (hárri sjávarstöðu og áhlaðanda) höfum við af öryggisástæðum ákveðið að loka fyrir umferð um Ægisgötu strax. Grjót er farið að berast upp á Ægisgötu og háflóði ekki náð enn,“ segir í færslunni. 

• Blogga um frétt