Ísland leggur til 300 milljónir í kaup á skotfærum
Setja bókamerki
Ísland mun styðja við innkaup Tékklands á skotfærum fyrir Úkraínu og leggja fjármuni í kaup á búnaði fyrir konur í úkraínska hernum.
Þetta kemur fram í tilkynningu á vef Stjórnarráðsins.
„Lítið framboð hefur verið af skotfærum og hefur Tékkland, í samvinnu við helstu samstarfsríki Íslands, tekið að sér að útvega skotfæri fyrir stórskotalið Úkraínu sem gegnir lykilhlutverki við varnir landsins. Gert er ráð fyrir að um tveimur milljónum evra verði varið til verkefnisins af Íslands hálfu,“ segir í tilkynningu frá ráðuneytinu. Upphæðin samsvarar um 298 milljónum króna.
Brýnt að styðja Úkraínu áfram
„Það er brýnt að halda áfram að styðja Úkraínu af krafti, en þannig leggjum við ekki aðeins okkar af mörkum til varnar íbúum landsins, heldur sömuleiðis alþjóðalögum í stærra samhengi og okkar eigin öryggishagsmunum. Stefna um stuðning við Úkraínu sem nú liggur fyrir Alþingi mun ramma þennan stuðning inn til lengri tíma, en á sama tíma ætlum við áfram að hreyfa okkur hratt og styðja við frumkvæðisverkefni af þessu tagi,“ er haft eftir Bjarna Benediktssyni utanríkisráðherra.
Þá kemur fram að Ísland muni styðja innkaup á búnaði fyrir konur í úkraínska hernum. Fram kemur að hlutfall kvenna í hernum hafi vaxið mjög á síðustu árum, sérstaklega eftir að innrás Rússa hófst.
Til að koma til móts við þarfir kvenkyns hermanna sé lagt upp með að útvega einkennisföt, skotheld vesti, læknis- og hreinlætisvörur fyrir 75 milljónir króna.
„Höfum ekki náð að skríða upp úr þeirri gryfju“
/frimg/1/29/32/1293273.jpg)
Ekki af baki dottinn og ætlar að opna B5 aftur
Rothissa á vinnubrögðum forystu BÍ
Hvorki sést áður hér á landi né annars staðar
Vonast til að tjaldbúðir við HÍ standi áfram
Mál hjúkrunarfræðingsins fer aftur fyrir héraðsdóm
Nemendur í HÍ reistu tjaldbúðir án leyfis