Geimfarar lendi ekki á tunglinu fyrr en 2026
Setja bókamerki
Bandaríska geimferðastofnunin (NASA) hyggst fresta áætlun sinni um að senda mannað geimfar á tunglið frá árinu 2025 til ársins 2026 vegna tæknilegra örðugleika.
NASA tilkynnti Artemis-áætlunina árið 2017. Hún er nefnd eftir grísku gyðjunni og systur Apollo, en það var einmitt með Apollo-áætluninni sem menn gengu fyrst á tunglinu.
Með Artemis-áætluninni á að afla frekari upplýsinga um tunglið og þá er áætlunin hugsuð sem ákveðinn undirbúningur fyrir mannaðar ferðir til Mars.
Næsta ferð í september 2025
Fyrsta geimferðin, Artemis 1, átti sér stað árið 2022 eftir að hafa verið frestað nokkrum sinnum.
Artemis 2 hefur verið frestað þar til í september árið 2025 en í þeirri ferð fer áhöfn út í geim en mun þó ekki lenda á tunglinu.
Í geimferðinni Artemis 3 er gert ráð fyrir að fyrsta konan og fyrsta manneskjan sem er ekki hvít á hörund lendi á suðurpóli tunglsins. Sú geimferð á að eiga sér stað í september árið 2026.
„Öryggi er í forgangi hjá okkur, og að gefa teymunum sem vinna að Artemis meira tíma til þess að leysa áskoranir,“ sagði Bill Nelson, forstjóri NASA, í dag.
NASA ætlar einnig að byggja geimstöð á tunglinu, Gateway, til þess að auðvelda geimferðum að lenda á tunglinu.
Sala dísil- og bensínbíla eykst
„Ættir þú ekki frekar að bjóða þig fram til Alþingis?“
Sautján greinst með kíghósta
Loftslagsdómurinn út í loftið
Sólarsellur verði á 10 til 20% íslenskra þaka
Framboð Viktors metið gilt
Verkfallsaðgerðir á Keflavíkurflugvelli samþykktar
Um 5.000 milljarðar í enduruppbyggingu